Almmolaš joatkkaskuvlla dahje oahppofitnodaga oahpahusas ii dárbbaš máksit. Fylkkagielddas lea maid ovddasvástádus addit rávisolbmuide, geat váldet joatkkaoahpahusa, dárbbašlaš prentejuvvon ja digitála oahpponeavvuid ja reaidduid. Eanet dieđuid gávnnat fáttás Mávssuhis oahpponeavvut ja reaiddut.

Fylkkagielda sáhttá geatnegahttit du máksit iežasoasi salladihtoris ja háhkat eará dárbbašlaš oktagaslaš reaidduid, nugo gihppagiid, kalkuláhtora, bargobiktasiid ja eará. Rávesolbmot eai oaččo reaidostipeandda.

Rávesolbmot sáhttet ohcat Loatnakássas eará stipeanddaid ja/dahje loana eallingoluid gokčamii. Fuomáš ahte sihke du bargoaddi ja fágasearvi sáhttá doarjut du joatkkaoahpahusa.