Buohkain geat leat čađahan joatkkaoahpahusa lea vuoigatvuohta oažžut oahpu dokumenterejuvvot loahppaduođaštusain dahje gelbbolašvuođaduođaštusain. Fága- dahje sváinnasiskosis ceavzin duođaštuvvo dasa lassin fága- dahje sváinnasreivviin.

Loahppaduođaštus

Dakkár joatkkaoahpahusas ceavzin, mii vuoigadahttá fága- dahje sváinnasreivii, duođaštuvvo loahppaduođaštusain. Fylkkagielddas lea ovddasvástádus čállit loahppaduođaštusaid fidnoohppiide.

Fága- dahje sváinnasreive

Go leat ceavzán fága- dahje sváinnasiskosis, de lea fylkkagielddas maid ovddasvástádus fága- dahje sváinnasreivve čállimis.

Gelbbolašvuođaduođaštus

Dakkár oahpahusa čađaheapmi, maid ii sáhte duođaštit loahppaduođaštusain iige fága- dahje sváinnasreivviin, galgá duođaštuvvot gelbbolašvuođaduođaštusain. Gelbbolašvuođaduođaštus galgá čájehit makkár oahpu leat čađahan. Gelbbolašvuođaduođaštusain duođaštuvvo maiddái gelbbolašvuođaiskkus. Fylkkagielddas lea ovddasvástádus čállit gelbbolašvuođaduođaštusaid fidnoohppiide ja oahppokandidáhtaide. 

Logas maid siiddu Praksisreive - geahččalanortnet.