Buohkain, geat leat čađahan joatkkaoahpahusa, lea vuoigatvuohta oažžut oahpu duođaštuvvot loahppaduođaštusain dahje gelbbolašvuođaduođaštusain.

Loahppaduođaštus 

Loahppaduođaštusa oažžun eaktuda ahte leat čađahan golmma jagi oahppoluotta, mainna olahat studeren- dahje fidnogelbbolašvuođa, ja ahte leat ceavzán oahpus. Jos leat oahppi, de čállá dat skuvla, mas ollašuhtát oahpu ja mas ceavzzát oahpus, mii čállá dutnje duođaštusa.

Gelbbolašvuođaduođaštus 

Joatkkaoahpahusa, maid ii sáhte duođaštit loahppaduođaštusain, galgá duođaštit gelbbolašvuođaduođaštusain. Gelbbolašvuođaduođaštus galgá čájehit makkár oppalašárvosániid ja eksámenárvosániid don leat olahan. Jos don it ollašuhte fága dan dásis, man hárrái oahppoplánabuvttus mearrida, ahte galgá addit oppalašárvosáni, de biddjojuvvo gelbbolašvuođaduođaštussii jahkebealleárvvoštallama árvosátni, ja dasa lasihuvvo fuopmášuhttin dan hárrái. 

Gelbbolašvuođaduođaštus geavahuvvo maid dokumentašuvdnan, mii čájeha makkár oahpu leat čađahan, go leat čađahan oahpu dušše fága muhtin osiin.

Skuvla čállá gelbbolašvuođaduođaštusa oahppiidasas.