Don ja du váhnemat galgabehtet oažžut čálalaš dieđu ovddalgihtii jos ii leat sihkkar ahte don sáhtát oažžut 

• jahkebealleárvvoštallama árvosániin
• oppalašárvosáni

ovtta dahje máŋgga fágas, danin go árvosáni mearrideapmái ii leat vuođđu.

Dii galgabehtet maid oažžut čálalaš dieđu jos orru mannamin dan guvlui, ahte don oaččut ortnega ja láhttema árvosátnin «Viehka buorre» dahje «Ii nu buorre» jahkebealleárvvoštallamis, mas addet árvosáni, dahje oppalašárvosátnin.

Dieđu galgá addit liiggás ájáhalakeahttá. Dat galgá addit dutnje vejolašvuođa sihkkarastit ahte árvosáni mearrideapmái lea vuođđu dahje dat galgá addit dutnje vejolašvuođa buoridit ortnega ja láhttema árvosáni. 

Go don leat deavdán 18 jagi de eai šat atte dieđu du váhnemiidda, earret jos don leat miehtan dasa.