Ohppuiváldin eanaš oahpuide joatkkaoahpahusa maŋŋá dahkkojuvvo dan láhkai ahte ohccit gilvalit sajiin. Oahppoduođaštusa vuođul rehkenastojuvvojit árvosátnečuoggát ja de bohtet vel lassičuoggát eará diliid vuođul. Árvosátnečuoggáid ja lassičuoggáid submi dat lohkko go ozat.

Muhtin oahpuide lohkko árvosátne- ja lassičuoggáid lassin maiddái ohppuiváldiniskkus, dahje iskkus lohkkojuvvo árvosátnečuoggáid ja lassičuoggáid sajis.

Vuolábeale njuolggadusat gustojit ohppuiváldimii oahppojagi 2016–17 dálá dieđuid mielde. Geahča maiddái www.samordnaopptak.no/info/.

Árvosátnečuoggát

• Dus gii leat čađahan 3-jagi joatkkaoahpahusa, rehkenastojit buot fágaid lohkoárvosánit árvosátnečuoggáid rehkenastimis.
  
• Árvosátnečuokkisin rehkenasto buot lohkoárvosániid (guvttiin desimálain) gaskaárvu, mii gerdojuvvo logiin.
  
• Jos leat buoridan ovttaskas fága árvosáni privatistan, de ođđa eksámenárvosátni, maid leat ožžon privatistan, buhtada sihke boares eksámen- ja oppalašárvosáni, jos dat lea dutnje ovdun.
  

Reálafágaid ja vierisgiela lassičuoggát  

Sáhttá oažžut eanemusat 4 lassičuoggá. Badjálas fágain ii sáhte oažžut guovttegeardásaš čuoggáid.

• Addojuvvo okta lassičuokkis goappáge reálafágas matematihkka R2 ja fysihkka 2 ja prográmmafágas vierisgiella III.
  
• Reálafágaid prográmmasuorggi eará prográmmafágain ja vierisgiela prográmmafágain, maid viidodat leat 140 diimmu, addojuvvo 0,5 lassičuokkis.
  
• Latiinna- ja greikkagiela prográmmafágain, maid viidodat lea 140 diimmu, addojuvvo 0,5 lassičuokkis.
• Luonddudoalu oahppoprográmma studeremii ráhkkanahtti Jo3 addá 0,5 lassičuoggá.
  
• Eará almmolaččat dohkkehuvvon joatkkaskuvlaoahpahus, IB-diploma, fránskka baccalureate ja olgoriikka oahppu sáhttá addit lassičuoggáid, geahča alit oahpu ohppuiváldima láhkaásahusa 7. kapihttala.

Fuomáš ahte it sáhte oažžut eanet go 1,5 lassičuoggá ovtta fágas. It maid sáhte oažžut lassičuoggáid vierisgielain, mat leat oktasašfágat, itge eaŋgalsgiela prográmmafágas.

Unnibut ovddastuvvon sohkabeali lassičuoggát

• 1 dahje 2 lassičuoggá addojit dan sohkabeali ohcciide, mii lea čielgasit unnibut ovddastuvvon dihto oahpu studeanttaid dahje bargiid gaskkas.
  

Geahččalaniskosiid lassičuoggát

• Muhtin oahpuide addet lassičuoggáid geahččalaniskodiid ovddas. Loga eanet neahttasiiddus www.samordnaopptak.no.

Agi lassičuoggát

• Jos ozat <!--#4DVAR WS_URL("vuosttašduođaštusa eari ";"WA_Artikkel";"&Artikkel=027279";";"&Artikkel=021750")--> : ## Error # 15 olggobealde, ja dus lea duođaštus golmma jagi joatkkaoahpahusa čađaheamis, mii addá dutnje studeren- dahje fidnogelbbolašvuođa, de oaččut 2 ahkečuoggá jahkái dan jagi rájes go deavddát 20 jagi, eanemusat 8 čuoggá.
  
• jos leat 23/5-ohcci, addojuvvojit 2 ahkečuoggá jahkái dan jagi rájes go deavddát 24 jagi, eanemusat 8 čuoggá.
  

Alit oahpu, ovtta jagi álbmotallaskuvlla, siviilabálvalusa dahje militeara vuosttašbálvalusa lassičuoggát

• Jos leat čađahan jahkebeali oahpu dahje 30 oahppočuoggá universiteahtas dahje allaskuvllas, de oaččut 1 lassičuoggá
  
• Jos leat čađahan olles oahpu dahje oktiibuot 60 oahppočuoggá universiteahtas dahje allaskuvllas, de oaččut 2 lassičuoggá
  
• Ovtta jagi álbmotallaskuvla, mas leat ožžon dohkkehuvvon duođaštusa, addá 2 lassičuoggá
  
• Ollašuhtton siviilabálvalus/militeara vuosttašbálvalus addá 2 lassičuoggá
  
• Dán mearrádusa vuođul addojuvvo eanemusat 2 lassičuoggá oktiibuot.