Áigeguovdilis bargosajit

Láibun sáhtát bargat gáhkkoláibbohagain ja láibbohagain. Bargosajit leat maid hoteallain, boradanbáikkiin ja eará stuorradállodoaluin.

Váldobarggut

Váldobarggut leat

• ávdnasiid gieđahallan ja vuorkun
• ráhkadit ja buvttadit láibbiid ja eará láibbastagaid árbevirolaš ja ođđa ráhkadan- ja seailudahttinvugiiguin
• válljet rievttes buvttadanvugiid rávvagiid, hivvodaga ja daid buvttadanreaidduid vuođul mat dus leat geavahusas
• heivehit rávvagiid ja buvttadanproseassaid fitnodagaid ja kundariid dárbbuid mielde
• geavahit ja álkit máŧasatnit mašiinnaid ja eará rusttegiid
• geavahit diehtoteknologiija ja teknihkalaš veahkkeneavvuid

Persovnnalaš iešvuođat

Láibu galgá sáhttit bargat plánaid mielde, jierpmálaččat, beaktilit ja dárkilit, fitnodagaid mearriduvvon buvttaspesifikašuvnnaid mielde ja kundariid sávaldagaid ja dárbbuid mielde. Berret beroštit borramušgálvvuin ja berret nagodit bargat hygienalaččat. Berret maid liikot bargat kundariiguin ja bálvalit sin bures.