Fidnooahppin dahje oahppokandidáhttan sáhtát váidalit jos fága-/sváinnasiskosis dahje <!--#4DVAR WS_URL("gelbbolašvuođaiskosis";"WA_Artikkel";"&Artikkel=023667";";"&Artikkel=021812")--> : ## Error # 15 oaččut árvvoštallamin «Ii ceavzán». Ii leat vejolaš váidalit nu ahte árvosáni «Ceavzán» sadjái boahtá árvosátni «Ceavzán buriin muniin».

Go iskkusbarggu árvvoštallan lea «Ii ceavzán», sáhtát váidalit guvttiin vugiin:

• Iskkuslávdegotti fágalaš árvvoštallama váidaleapmi
  Váidalus sáddejuvvo dan fylkkagildii, man olis iskkus lea lágiduvvon. Váidalusa meannuda váidalanlávdegoddi, man miellahtut eai leat oassálastán iskosa vuosttaš árvvoštallamii. Váidalanlávdegoddi sáhttá hilgut váidalusa, dat sáhttá rievdadit bohtosa nu ahte "ii ceavzán" sadjái boahtá "ceavzán", dahje dat sáhttá fámuhuhttit iskkuslávdegotti mearrádusa, ja čujuhit du ođđa iskosii.

• Formála boasttuvuođaid ja eará ii-fágalaš diliid váidaleapmi iskosa čađaheami oktavuođas
  Váidalus sáddejuvvo fylkkagildii, ja dan meannuda fylkkadiggi dahje váidalaninstánsa, maid fylkkadiggi fápmuda. Jos fylkkadiggi dahje váidalaninstánsa boahtá dan oaivilii ahte formála boasttuvuođain sáhttá leat leamaš mearkkašahtti váikkuhus iskosa bohtosii, de fámuhuhttojuvvo iskkuslávdegotti mearrádus. Dalle adnojuvvo dego iskkus ii livčče čađahuvvon, ja don beasat čađahit ođđa iskosa nu johtilit go vejolaš.

Mo váidalat?

Sáhtát váidalit ieš dahje addit nubbái čálalaš fápmudusa váidalit iežat ovddas. Váidalus galgá leat čálalaš ja dat galgá leat vuolláičállojuvvon. Váidalusa galgá álo vuođuštit.

Du fylkka fágaoahpahuskantuvra galgá muitalit dutnje váidalanvuoigatvuođas, váidalanáigemeriin, das maid váidalus galgá sisdoallat, gosa dan galgá sáddet, gii dan galgá meannudit ja eará dakkár áššiin. Buot njuolggadusaid árvvoštallama váidaleami hárrái gávnnat oahpahuslága láhkaásahusa 5. kapihttalis.