Váldonjuolggadus lea ahte dus galgá leat studerengelbbolašvuohta, man vuođul árvvoštallet beasatgo don allaskuvllaid dahje universiteahtaid ohppui. Studerengelbbolašvuođa vuođđun lea dábálaččat:

• Duođaštus mii čájeha ahte leat čađahan golmma jagi joatkkaoahpahusa, mii addá studeren- dahje fidnogelbbolašvuođa
  
• Leat deavdán 23 jagi ja dus lea unnimusat 5 jagi ollesáiggi bargohárjáneapmi ja/dahje oahppu (23/5-njuolggadus)
  

Goappáge bajábeale dáhpáhusas don galggat leat čađahan oktasašfágaid dárogiella, eaŋgalsgiella, matematihkka, luonddufága, servodatfága ja historjá.

Spiehkastat 

• Jos leat olahan studerengelbbolašvuođa joatkkaoahpahusa olis dahje eará ortnega vuođul, mii lei ovdal Máhttoloktema, de dus lea ain studerengelbbolašvuohta.
• Studerengelbbolašvuođa gáibádusas sáhttet dasa lassin spiehkastit earret eará dihto oahpuin, nugo dáiddaoahpuin, ja badjel 25-jahkásaš rávisolbmuid hárrái geain lea reálagelbbolašvuohta dihto fágas dahje oahpus.
• Muhtun allaskuvllat ja universiteahtat fállet "Y-luotta" dutnje, geas lea relevánta fidnofágalaš oahppu ja leat olahan fágareivve, sváinnasreivve dahje fidnogelbbolašvuođa, muhto geas ii leat oppalaš studerengelbbolašvuohta. 

Láhkaásahus alit ohppui váldima birra gusto dutnje, gii ozat alit ohppui.