Alit oahppu reálagelbbolašvuođa vuođul



Sáhtát ohcat universiteahtaid ja allaskuvllaid oahpuide reálagelbbolašvuođa vuođul.

  • Jos leat deavdán 25 jagi dahje eanet, muhto it sáhte duođaštit oppalaš studerengelbbolašvuođa, de lea dus vuoigatvuohta oažžut iežat studerengelbbolašvuohta árvvoštallojuvvot reálagelbbolašvuođa vuođul.
  • Oahppoásahus dat ieš árvvoštallá makkár gelbbolašvuohta dárbbašuvvo ja mearrida man láhkai lea heivvolaš ja ulbmillaš dahkat dakkár árvvoštallama.
  • Du gelbbolašvuohta galgá árvvoštallojuvvot dan fága ektui, maid háliidat studeret.
  • Vaikko oaččut reálagelbbolašvuođa ovtta fága ektui, de it sáhte dan vuođul čuoččuhit ahte dus lea studerengelbbolašvuohta eará fágaide dahje oahpuide.

Neahttasiiddus samordnaopptak.no sáhtát lohkat eanet dan birra mo beasat ohppui reálagealbbu vuođul.

Ovttage fylkkas eai leat mearkkašumit dán čuoggái