Dearvvasvuođafágabargi (fágareive)

Dearvvašvuođafágabargi ollašuhttá geavatlaš divššu, fuolaheami ja birasbarggu dearvvašvuođa- ja sosiálabálvalusa divššohasaid ja geavaheddjiid guovdu. Váldobarggut leat

• ollašuhttit fágalaččat bealuštahtti ja fuolalaš dearvvašvuođaveahki, man guovddážis lea geavaheaddji
• bargat dikšun- ja fuolahandoaimmaiguin, mat ovddidit dearvvašvuođa, eastadit váttuid ja buohcuvuođaid ja veajuiduhttet divššohasaid
• plánet, ollašuhttit ja oassálastit divššohasa/geavaheaddji ollislaš dikšunfálaldahkii
• bargat gustovaš hygienia, biepmusdoalu ja ergonomiija vuođđojurdagiid mielde
• gieđahallat dálkasiid gustovaš lágaid mielde
• čállit journálaid, dokumenteret ja raporteret

Lea mávssolaš ahte du persovnnalašvuohta heive ámmáhii. Fertet sáhttit beroštit, fuolahit ja váldit vuhtii nuppiid. Berret sáhttit bargat sihke iehčanasat ja ovttas earáiguin.

Dearvvašvuođafágabargi fidnonamahusa geavaheapmi eaktuda Dearvvašvuođadirektoráhta autorisašuvnna.