Fjell- og bergverksarbeidar (fagbrev)

Fjell- og bergverksfaget omfattar bergverksdrift med sikte på utvinning av mineralske råstoff og andre naturressursar, eller boring, sprenging og anna arbeid i berggrunnen. Sentrale arbeidsområde er

• fjellarbeid i dagen, bergverksdrift, tunnelarbeid, pukk- og grusproduksjon (fordjupingsområde)
• stikking, oppmåling
• arbeidsplanlegging
• boring og sprenging
• anleggsteknikk og fjellsikringsarbeid
• bruk og vedlikehald av maskiner og utstyr

Fagutføringa kan variere frå manuelt arbeid til bruk av svært avanserte maskiner og kan krevje både godt handlag, teknisk innsikt og god fysikk. Fjell- og bergverksarbeidaren arbeider både sjølvstendig og saman med andre, noko som stiller krav til samarbeidsevne. Det blir kravd god kunnskap og dugleik i faget. Omsynet til naturen, miljøet og ressursane er viktig.