Steinfagarbeidar (fagbrev)

Fagutføringa kan variere frå manuelt arbeid til bruk av svært avanserte maskiner. Sluttprodukta er gjerne monument, dekkstein for uteareal eller forskjellige typar bygningselement. Sentrale arbeidsområde er

• brotverksemd og utvinning av naturstein
• bearbeidingsverksemd av stein til skiferplater, blokker eller ferdige produkt
• montering
• handtering og transport
• yrkesteikning
• bruk og vedlikehald av maskiner og utstyr

Steinfagarbeidaren skal kunne arbeide planmessig og sjølvstendig. Du må òg kunne vurdere om arbeidet er i tråd med behova til brukarane og samfunnet. Du bør vere nøyaktig og ha godt handlag, forståing for miljø- og naturressursar og estetisk sans.