Kva er landslinjer og landsdekkjande tilbod?

• Landslinjer er eit utdanningstilbod i vidaregåande opplæring.
• Dei har du rett til å søkje same kvar i landet du bur, og søkjarar frå heile landet stiller likt ved inntak.
• Landsdekkjande tilbod er det berre grunnlag for å ha i eitt eller nokre få fylke. Desse blir finansierte av fylkeskommunane
• For deg som søkjar er det i praksis ingen forskjell på landslinjer og landsdekkjande tilbod. Du søkjer desse tilboda via nettstaden www.vigo.no.

Viss du søkjer Vg1 i utdanningsprogramma idrettsfag eller musikk, dans og drama, kan det vere bestemt at inntil halvparten av elevane skal takast inn på grunnlag av dokumentert dugleik eller opptaksprøve. Fleire opplysningar får du frå den aktuelle skolen.

Oversikt over landslinjer og landsdekkjande tilbod

Nedanfor finn du ei fylkesvis oversikt over landslinjer og landsdekkjande tilbod. Ver merksam på at lista ikkje er komplett før i starten av januar, når alle fylka har lagt ut skoletilbuda sine på vilbli.no. Fram til fylka begynner å publisere tilboda sine i desember, er det inga liste her – men du kan sjekke oversikta over landslinjer og landsdekkjande tilbod dette skoleåret.