Alle elevar med ungdomsrett får utstyrsstipend frå Lånekassen, men du må søkje for å få det. Utstyrsstipendet er ikkje avhengig av kor mykje foreldra dine tener.

Når du søkjer om utstyrsstipend, sjekkar Lånekassen automatisk om du også har rett til andre stipend.

Lærlingar, lærekandidatar og praksisbrevkandidatar har ikkje rett til utstyrsstipend, men kan ha rett til lån eller andre stipend. 

Slik søkjer du om utstyrsstipend

Du kan søkje om stipendet via vigo.no når du takkar ja til skoleplassen, eller på lanekassen.no.

Logg inn på søknaden med MinID eller BankID, slik som då du søkte om skole - eller læreplass.

Les meir på lanekassen.no.

Kor mykje får du?

Kor mykje du får i stipend er avhengig av kva utdanningsprogram du tek. Du får heile utstyrsstipendet i første utbetaling. Søkjer du om stipend for berre eitt semester, får du halvparten av beløpet utbetalt.

Beløpa i tabellen nedanfor gjeld for skoleåret 2022–2023.

Studieforberedende utdanningsprogram	Beløp per år
Idrettsfag	4 603
Kunst, design og arkitektur	1 681
Medium og kommunikasjon	1 118
Musikk, dans og drama	1 118
- Musikk, dans og drama med dans	4 603
Studiespesialisering	1 118
- Studiespesialisering med toppidrett	2 710

 

Yrkesfaglege utdanningsprogram	Beløp per år
Bygg- og anleggsteknikk	4 603
Elektro og datateknologi	2 710
Frisør, blomar, interiør og eksponeringsdesign	2 710
- Vg2 frisør	4 603
Helse- og oppvekstfag	1 681
Handverk, design og produktutvikling	4 603
Informasjonsteknologi og medieproduksjon	1 118
Naturbruk	4 603
- Vg3 landbruk	1 681
- Vg3 naturbruk, studieforberedende	1 681
Restaurant- og matfag	4 603
Sal, service og reiseliv	1 118
Teknologi- og industrifag	2 710
- Vg2 kjemiprosess og laberatoriefag	1 118
Påbygging til generell studiekompetanse	1 118

Søk på nytt dersom du byter utdanningsprogram

Dersom du byter til eit utdanningsprogram som gir rett til meir penger i stipend, etter at du har søkt om og fått innvilga utstyrsstipend, må du søkje på nytt for å få utbetalt differansen.

Utstyrsstipend til vidaregåande i utlandet

Tek du inntil eitt år av den vidaregåande opplæringa i utlandet, kan du få like mykje i utstyrsstipend som for det utdanningsprogrammet du følgjer i Noreg. Vel du å ta heile den vidaregåande opplæringa i utlandet, får du eit utstyrsstipend på  1 118 kroner per år (2022–2023). Les meir på lanekassen.no/utveksling.