Fiskar (fagbrev)

Fiskarane har forskjellige oppgåver avhengig av kva slags båt dei er på, og kva slags fiske som blir drive. Fagarbeidaren arbeider gjennom ein sesong med

• generell fartøybehandling som krev kjennskap til ulike typar dekksmaskineri, fiskeforedlingsmaskiner og kjøle- og fryseutrusting om bord
• bruvakt basert på godt sjømannskap
• oppbygging og bruk, vedlikehald og enkel reparasjon av ulike typar fiskereiskapar
• kunnskap om og dugleik i kvalitetsbehandling av fisk

Når du skal arbeide om bord på fiskebåtar, må du vere uthaldande og ha god fysisk styrke. Fiskaren må kunne tilpasse seg dei små og tette miljøa om bord i eit fartøy. Det blir stilt store krav til sikkerheit og fagleg innsikt av mannskapet om bord i fiskefartøy. Du må vere førebudd på å handtere nødssituasjonar.