FU-operatør (fagbrev)

Fjernstyrte undervassoperasjonar (FU) omfattar ei rekkje arbeidsområde med fjernstyrte undervassfarkostar og fjernstyrte undervassverktøy. Hovudoppgåva til FU-operatøren er å operere FU-farkosten, men han skal òg drive vedlikehald, feilsøkje, reparere, skifte ut, installere, kontrollere og justere elektroniske, elektriske og hydrauliske styre- og reguleringssystem. Hovudaktivitetar under vatn er

• oppkopling av undervassproduksjonssystem og undervassprosessanlegg
• oppkopling av flytande produksjonsinnretningar
• assistanse ved vern av røyrleidningar, ved boreoperasjonar, ved installasjon av stigerøyr, ved legging av røyr og kablar og ved plassering av produksjonseiningar under vatn
• bergings- og redningsoppdrag, dykkarassistanse
• inspeksjon av plattformer, røyrleidningar og undervasskonstruksjonar
• nedgraving av røyrleidningar og kablar, operasjon, reparasjon og vedlikehald av satellittbrønnar og prosessanlegg på havbotnen

Du må ha kontinuerleg fokus på sikkerheit og forbetring av arbeidsmiljøet. Arbeidet krev at du kan samarbeide og er nøyaktig. Det er òg viktig med kreativitet for å finne løysingar på uventa problem.