Datne byörh

• veele jïh systematihkeles årrodh
• praktihkeles årrodh jïh væjkele årrodh gïetigujmie barkedh
• faepeles årrodh jïh logiske ussjedimmievuekiem utnedh
• kreatijve årrodh jïh klaerieh hijvenlaakan vuejnedh

Datne maahtah sjïdtedh

• elektrihkere, elektrodåvvoje jallh energijeoperatööre
• taavla-, signaale jallh lutnjesemontööre
• avionihkere jallh girtiemekanihkere
• rommeteknologe, daata- jallh produksjovneelektronihkere
• automatihkere jallh FU-operatööre
• galme- jïh baahkepumpateknihkere
  Vuartesjh gaajhkh barkoeh jïh maahtoeh

Barkoesijjieh

• byögkeles jallh privaate sïelth
• prosesse- jallh elektronihkeindustrije
• mekanihkeles industrije, energijevierhkieh jallh ruevtieraajroe
• daata-, girtie- jallh åljasuerkie

Guhkiebasse ööhpehtimmie

Barkoefaageles lïerehtimmie barkoemaahtoem ulmine åtna (faage- jallh svenneprievine jallh namhtah). Barkoefaageles lïerehtimmiem mænngan maahtah barkosne aelkedh jallh guhkiebasse ööhpehtimmiem vaeltedh:

• Maahtah jåarhkeööhpehtimmiem vaeltedh faageskuvlesne. Faageskuvleööhpehtimmie lea åenehks jïh barkoestuvreme jåarhkeööhpehtimmie mij lea ussjedamme dejtie mah barkoefaagem vaadtseme.
  
• Maahtah Jåa3 lissiebigkemem sïejhme studijemaahtose vaeltedh
  – Jåa 2:n mænngan jallh
  – mænngan barkoemaahtoem jakseme.
  Dellie nuepiem åtnah jollebe ööhpehtimmiem vaeltedh jïlleskuvlesne jallh universiteetesne. Mujhtieh såemies studijh, v.g. insjenööre-, realfaage- jïh medisijnen studijh, krievieh dov leah vihties realfaagh.
• Maahtah aaj tsaekemem ohtsedh jollebe ööhpehtæmman åvtekuvsjen mænngan B-geajnoen tjïrrh, barkoefaageles geajnoe jollebe ööhpehtæmman. B-geajnoe lea ussjedamme dutnjien mij sjyöhtehke barkoemaahtoem åtna. Åvtekuvsjh jïh B-geajnoe leah sïejhmemes realfaage- jïh insjenöörestudiji sisnjeli.