Dov nïejte jallh baernie akten vihkeles geajnoeveeljemen uvte tjåådtje – jåarhkelïerehtimmiem veeljedh. Datne maahtah dov nïekedassh utnedh maam maanah edtjieh sjïdtedh – men doh noerh tjuerieh åadtjodh nuepide goerehtidh mah gååvnesieh, jïh jïjtjeraarehke veeljemem darjodh jïjtsh ïedtji jïh sjaavnjoej mietie båetijen aajkan! Goh eejhtege dov lea vihkeles funksjovne goh soptsestallemeguejmie jïh bïhkedæjja. Juktie dov noerem bööremeslaakan viehkiehtidh, byörh bïevnesidie jåarhkelïerehtimmien bïjre veelelaakan lohkedh.