Datne lïerh

• produksjovne jïh tseegkeme orre gåetijste jïh tseegkeldahkijste
• jeatjahtehteme jïh gorredimmie gåetijste jïh tseegkeldahkijste
• klijman jïh teknologijen bïjre
  
• åtnoen bïjre guvvijste, buerkiestimmijste jïh ryöknedimmijste
• kvaliteeten jïh jearsoesvoeten bïjre
• daajroem ïebni bïjre

Datne byörh

• praktihkeles årrodh jïh væjkele årrodh gïetigujmie
• jïjtjeraarehke jïh veele
• væjkele årrodh laavenjostedh

Datne maahtah sjïdtedh

• geajnoe- jïh tseegkeldahkefaagebarkije jallh asfaltööre
• tseegkeldahkegartnere jallh tseegkeldahkemaasjinavuejije
• måaladæjja, movresjæjja, kluhtierdæjja jallh rööjrebïejije
• stillasebigkije, taahtjoebïejije jallh pleehkebarkije
• moerekluhtierdæjja jallh klaasefaagebarkije
  Vuartesjh gaajhkh barkoeh jïh maahtoeh

Barkoesijjieh

• byögkeles jallh privaate gïehtelimmie
• stuerebe jallh unnebe vætnoesïelth
• industrije- jallh entreprenööresïelth

Guhkiebasse ööhpehtimmie

Barkoefaageles lïerehtimmie barkoemaahtoem ulmine åtna (faage- jallh svenneprievine jallh namhtah). Barkoefaageles lïerehtimmiem mænngan maahtah barkosne aelkedh jallh guhkiebasse ööhpehtimmiem vaeltedh:

• Maahtah jåarhkeööhpehtimmiem vaeltedh faageskuvlesne. Faageskuvleööhpehtimmie lea åenehks jïh barkoestuvreme jåarhkeööhpehtimmie mij lea ussjedamme dejtie mah barkoefaagem vaadtseme.
  
• Maahtah Jåa3 lissiebigkemem sïejhme studijemaahtose vaeltedh
  – Jåa 2:n mænngan jallh
  – mænngan barkoemaahtoem jakseme.
  Dellie nuepiem åtnah jollebe ööhpehtimmiem vaeltedh jïlleskuvlesne jallh universiteetesne. Mujhtieh såemies studijh, v.g. insjenööre-, realfaage- jïh medisijnen studijh, krievieh dov leah vihties realfaagh.
• Maahtah aaj tsaekemem ohtsedh jollebe ööhpehtæmman åvtekuvsjen mænngan B-geajnoen tjïrrh, barkoefaageles geajnoe jollebe ööhpehtæmman. B-geajnoe lea ussjedamme dutnjien mij sjyöhtehke barkoemaahtoem åtna. Åvtekuvsjh jïh B-geajnoe leah sïejhmemes realfaage- jïh insjenöörestudiji sisnjeli.