Vg3 ferskvarehandlarfaget handlar om å produsere og omsetje ferskvarer av fisk og kjøtt, delikatesser og andre ferdigvarer, og å kunne gi måltidsforslag i møte med kundar. Faget handlar vidare om sal og kundebehandling, eksponering, mottaks- og kvalitetskontroll og lagring. Vg3 ferskvarehandlarfaget handlar òg om utnytting av råvarer, trygg mat og varehandtering, emballering og merking, god økonomi og mindre matsvinn. Faget skal bidra til å utvikle sjølvstendige, samarbeidande og omstillingsdyktige fagarbeidarar i et arbeidsliv i endring.
Alle fag skal bidra til å realisere verdigrunnlaget for opplæringa. Vg3 ferskvarehandlarfaget skal bidra til at varer og tenester til forbrukarmarknaden blir produserte og selde på ein etisk og forsvarleg måte. Faget skal vidare bidra til å utvikle forståing av lokal, nasjonal og internasjonal mattradisjon og av korleis endringar i matvanar påverkar varesortimentet som forbrukarane blir tilbodne. Gjennom kritisk tenking, medverknad og arbeidsoppgåver utviklar lærlingane forståing for samanhengen mellom ressursbruken i vår tid og behovet for å ta vare på og utvikle ressursar for framtidige generasjonar. Vg3 ferskvarehandlarfaget skal òg bidra til forståing av medråderett og medansvar på arbeidsplassen.
Velg fylke
Agder
Akershus
Buskerud
Finnmark
Innlandet
Møre og Romsdal
Oslo
Rogaland
Telemark
Troms
Trøndelag
Vestfold
Vestland
Østfold