Vg3 børsemakarfaget handlar om å reparere, byggje om og tilpasse eksisterande skytevåpen og tilverke nye skytevåpen til jegerar, skyttarar og andre sivile brukarar av skytevåpen. Faget handlar òg om rådgiving knytt til bruk og vedlikehald av skytevåpen. Kompetansen faget gir, skal medverke til at lærlingane dekkjer behovet arbeidslivet har for børsemakarar som tek vare på tradisjonar og utviklar faget i samsvar med samfunnsutviklinga. Børsemakarverksemd krev autorisasjon i form av avlagt norsk sveinebrev som børsemakar eller tilsvarande.
Alle fag skal bidra til å realisere verdigrunnlaget for opplæringa. Vg3 børsemakarfaget skal bidra til skaparglede gjennom praktiske oppgåver der lærlingane erfarer at ferdigheitene, handlaget og kunnskapen deira er viktige for prosessen og resultatet. Vidare skal faget bidra til kritisk tenking og etisk medvit gjennom refleksjon over bruk og nytte av skytevåpen. Vg3 børsemakarfaget skal utvide kjennskapen til og forståinga av den nasjonale kulturarven og den felles internasjonale kulturtradisjonen gjennom å utvikle og framstille tradisjonelle og nye børsemakarprodukt.
Velg fylke
Agder
Akershus
Buskerud
Finnmark
Innlandet
Møre og Romsdal
Nordland
Oslo
Rogaland
Telemark
Troms
Trøndelag
Vestfold
Vestland
Østfold