Informasjonsteknologi og medieproduksjon logo

Informasjonsteknologi og medieproduksjon

Læreplan i vg3 innhaldsproduksjonsfaget

Fagrelevans og sentrale verdiar

Vg3 innhaldsproduksjonsfaget handlar om å kommunisere og utforme innhald i ein digital kvardag og i eit digitalt samfunn der teknologi skaper nye måtar å kommunisere og samhandle på. Faget førebur lærlingane på å forstå den rolla media speler i eit samfunnsperspektiv. Det førebur dei òg på å jobbe i fellesskap for å fullføre prosjekt og på å gjennomføre oppdrag i ein profesjonell arbeidsmarknad med høge krav til brukar- og produksjonskompetanse.

Alle fag skal bidra til å realisere verdigrunnlaget for opplæringa. Vg3 innhaldsproduksjonsfaget skal bidra til at lærlingane kan utvikle kreativitet og skapartrong og gjere medvitne val som produsentar og forbrukarar av medium. Gjennom at lærlingane får høve til å arbeide med ulike innhaldsproduksjonar, skal faget bidra til at dei får kunnskap om etikk og gjeldande regelverk. Faget skal bidra til at lærlingane får erfaring med å handtere komplekse utfordringar gjennom å utforske, reflektere og diskutere.

Kjerneelement

Tverrfaglege tema

Grunnleggjande ferdigheiter

Kompetansemål og vurdering

Vurderingsordning

Sluttvurdering

Før fagprøva må alle som ikkje har følgt normalt opplæringsløp, ha bestått ein skriftleg eksamen laga ut frå læreplanen i faget. Eksamen blir utarbeidd sentralt og sensurert lokalt. Eksamen skal ikkje ha førebuingsdel.

Opplæringa i vg3 innhaldsproduksjonsfaget skal avsluttast med ei fagprøve. Alle skal opp til fagprøva, som skal gjennomførast innanfor ei tidsramme på seks–åtte vyrkedagar.