Vis meny

Teknihkka ja industriijabuvttadeapmi

Fidnofágalaš

Don oahpat

  • buvttadeami plánema ja buvttadanproseassaid birra
  • mašiinnaid, fievrruid ja buvttadanbiergasiid birra
  • kemiija proseassaid ja kemiijateknihkaid birra
  • dearvvašvuođa, birrasa ja sihkarvuođa birra

Don berret leat

  • geavatlaš ja gieđalaš
  • iešheanalaš ja dárkil
  • beroštit ođđa teknologiijas

Don sáhtát šaddat

  • alumiidnabargin, áhcaheaddjin dahje pláhtabargin
  • reaidodahkkin, fiinnamekanihkarin dahje lohkkarávdin
  • girječadnin dahje gráfalaš prenteheaddjin
  • kemihkalaš proseassaindustriija fágalaborántan dahje doaibmabargin
  • industriijagoarrun, trikotáša- dahje basahaga bargin
  • biilavahátdivvun, biilamekanihkarin dahje biilaláhkkejeaddjin
  • rusttetmašiinnaid ja eanandoallomašiinnaid mekanihkarin dahje mohtormekanihkarin
  • bovren- dahje gáivobargin
  • mearraalmmájin dahje mohtorbargin
    Geahča buot fidnuid ja gelbbolašvuođaid

Bargosajit

  • teknihka ja elektromekanihka industriija 
  • stuorra fatnasiid industriija dahje biilaindustriija 
  • kemihkalaš proseassaindustriija dahje tekoindustriija
  • biilasuorgi dahje oljosuorgi

Viidásut oahppu

Fidnofágalaš oahpuin olahat fidnogelbbolašvuođa (masa gullá dahje ii gula fága- dahje sváinnasreive). Go leat čađahan fidnofágalaš oahpu, de sáhtát álgit bargui dahje joatkit oahpuin:

  • Sáhtát lohkat viidáseappot fágaskuvllas. Fágaskuvlaoahppu lea oanehis ja fidnui ráhkkanahtti joatkkaoahppu, mii lea jurddašuvvon sidjiide, geat leat vázzán fidnofágaid.
  • Sáhtát maid váldit Jo3-ceahkis oppalaš studerengelbbolašvuođa lasáhusa
    –  Vg2 maŋŋá dahje
    – go leat olahan fidnogelbbolašvuođa.
    Dalle sáhtát váldit alit oahpu allaskuvllas dahje universiteahtas. Muitte ahte muhtun oahpuide, omd. inšenevra-, reálafága- ja medisiinna oahpuide gáibiduvvojit dihto reálafágat.
  • Sáhtát maid ohcat alit ohppuid ovdakurssa maŋŋá dahje F-luotta bokte. F-luodda lea fidnofágalaš luodda alit ohppui. F-luodda lea jurddašuvvon dutnje, geas lea relevánta fidnogelbbolašvuohta. Ovdakurssat ja F-luodda leat dábálepmosat reálafága- ja inšenevraoahpus.

Teknihkka ja industriijabuvttadeapmi - eanet dieđut